ဆောက်လုပ်ရေးလုပ်ငန်း ကျဆင်းခြင်းကြောင့် ကုန်သွယ်လုပ်ငန်းခွန် လျာထားချက်အောက် လျော့နည်း

javascript

ကုန်သွယ်လုပ်ငန်းခွန်လျာထားချက်အောက် လျော့နည်းကောက်ခံရရှိ ခြင်း၏ အဓိကအကြောင်းရင်းမှာ ဆောက်လုပ်ရေးလုပ်ငန်းများကျဆင်းခြင်းကြောင့်ဟု သုံးသပ်မိကြောင်း စီမံကိန်းနှင့်ဘဏ္ဍာရေး ဝန်ကြီးဌာန ဒုတိယဝန်ကြီးဦးမောင် မောင်ဝင်းကပြောသည်။

ဒီဇင်ဘာ ၁ဝ ရက် ပြည်ထောင်စုလွှတ်တော် အစည်းအဝေးတွင် ပြည်ထောင်စု အစိုးရအဖွဲ့မှပေးပို့သော ၂ဝ၁၇-၂ဝ၁၈ ဘဏ္ဍာနှစ် ဒုတိယခြောက်လပတ် အခွန်ကောက်ခံရရှိမှုအခြေ အနေ အစီရင်ခံစာနှင့်စပ်လျဉ်း၍ ပြည်သူ့ငွေစာရင်းပူးပေါင်းကော်မတီ၏ လေ့လာတွေ့ရှိချက်နှင့် သဘောထားမှတ်ချက်အစီရင်ခံစာအပါအဝင် လွှတ်တော်ကိုယ်စား လှယ်များ၏ဆွေးနွေးချက်များအပေါ်စီမံကိန်းနှင့် ဘဏ္ဍာရေးဝန်ကြီးဌာန ဒုတိယဝန်ကြီးဦးမောင်မောင်ဝင်းက ရှင်းလင်းရာ၌ ယင်းသို့ ထည့်သွင်းပြောကြားခဲ့ခြင်းဖြစ်သည်။

'ကုန်သွယ်လုပ်ငန်းခွန်လျာထားချက်ကျပ် (၂ဝ၇၅ ဒသမ ၇ဝ၆) ဘီလီယံအောက်လျော့နည်းကောက် ခံရရှိမှုအပေါ် ပြန်လည်သုံးသပ်ရာတွင် ဆောက်လုပ်ရေးကဏ္ဍအရောင်း အဝယ်များအေးဆေးနည်းပါးခဲ့ခြင်း၊ စည်းကြပ်မှုမှလွတ်ကင်းနေသော ဝင်ငွေနှင့် စပ်လျဉ်းတဲ့အခွန်နှုန်း ကို ၂ဝ၁၈ ခုနှစ်ပြည်ထောင်စု၏အခွန်အကောက်ဥပဒေတွင်ပြင်ဆင်ရန်ဆောင်ရွက်ခဲ့ခြင်းတို့၏ ဂယက် ကြောင့်ဖြစ်သည်ကို တွေ့ရပါတယ်။ အိမ်ခြံမြေဈေးကွက်အေးခြင်းနှင့် အတူ ဆောက်လုပ်ရေးဝန်ဆောင်မှုလုပ်ငန်းများကျဆင်းခြင်းသည် အဓိကအကြောင်းရင်း ဖြစ်ပါ တယ်။ အလားတူအိမ်ခြံမြေဈေးကွက်နှင့် ဆောက်လုပ်ရေးလုပ်ငန်းများကျဆင်းလာခြင်းအတွက် ဝင်ငွေခွန်တွင်လည်း အဓိကကောက်ခံရငွေတစ်ရပ်ဖြစ်သောစည်းကြပ် မှုမှ ကင်းလွတ်နေတဲ့ဝင်ငွေခေါင်းစဉ်မှ ကောက်ခံရရှိမှုလျော့နည်းလာခြင်း၊ ပင်ရင်းမှနုတ်ယူပေးသွင်းသည့် ဝင်ငွေခွန်ကို ပုဂ္ဂလိကကဏ္ဍတွင် ဖြေလျှော့ပေးခဲ့ခြင်းတို့ကြောင့်လည်းဖြစ်ကြောင်း တွေ့ရှိရပါတယ်'' ဟု ၎င်းကပြောသည်။

တံဆိပ်ခေါင်းခွန်ကဏ္ဍတွင် အိမ်ခြံမြေရောင်းဝယ်ခြင်းများအတွက် ချုပ်ဆိုသည့်စာချုပ်တံဆိပ် ခေါင်းရောင်းရငွေမှာ အများဆုံးဖြစ်ရာ တံဆိပ်ခေါင်းခွန်လျော့နည်းရသည့် အဓိကအကြောင်းရင်းမှာ လည်းအိမ်ခြံမြေဈေးကွက်၏ ရိုက်ခတ်မှုကြောင့်ဖြစ်ကြောင်း စီမံကိန်း နှင့် ဘဏ္ဍာရေးဝန်ကြီးဌာနဒုတိယ ဝန်ကြီး ဦးမောင်မောင်ဝင်းက ပြောသည်။

Source : Yangon Media Group

Facebook comments

Logo
 Tel: (+95)-9-5006267, (+95)-9-43157 571, (+95)-9-43157 572

 Head Office: No. (B/404), Min Dhama Luxury Condominium, Min Dhama Road, Mayangone Township, Yangon, Myanmar.