လူနေသိပ်သည်းသောရပ်ကွက်များမှ အိမ်မြေများ တန်ဖိုးကျဆင်းနိုင်ခြေ ဆက်လက်နည်းပါးနေ
မန္တလေးမြို့ရဲ့ လတ်တလောအိမ်ခြံမြေစျေးကွက်မှာ အရောင်းအဝယ်အေးနေတဲ့အနေ
အထားအရ ဧရိယာတချို့မှာ စျေးနှုန်းကျဆင်း ပြောင်းလဲတာမျိုးရှိပေမဲ့ လူနေထိုင်မှု
သိပ်သည်းပြီးဖြစ်တဲ့ နေရာတွေက အိမ်မြေတွေရဲ့ စျေးနှုန်းတွေကတော့ပြောင်းလဲကျဆင်း
နိုင်ခြေနည်းပါးကြောင်း အိမ်ခြံမြေအကျိုးဆောင်တချို့က ပြောပါတယ်။
အိမ်ခြံမြေစျေးကွက်အပါအဝင် ကျောက်စိမ်းစျေးကွက်၊ ကားစျေးကွက်နဲ့ ရွှေ၊ ကောက်ပဲ
သီးနှံစျေးကွက်စတာတွေဟာ လည်ပတ်မှု နှေးကွေးနေပြီး ချိန်ဆအလုပ်လုပ်နေကြရတာ
များပါတယ်။ ဒီအနေအထား အိမ်ခြံမြေစျေးကွက်မှာ ကျပ်သိန်းသောင်းချီတန်တဲ့ အကွက်
အကွင်းတွေဟာ အရောင်းအဝယ်မရှိသလောက် ဖြစ်နေပြီး အငှားစျေးကွက်ကိုသာ
အားထား အလုပ်လုပ်နေကြရပါတယ်။ စျေးနှုန်းအနိမ့်တန်းလို့ဆိုရမယ့် ကျပ်သိန်း ၁,ဝဝဝ
ပတ်ချာလည်နဲ့ ကျပ်သိန်း ၅ဝဝ အောက် အိမ်ခြံမြေတွေရဲ့ နှုန်းထားတွေ အနည်းငယ်
ပြောင်းလဲကျဆင်းပြီး အများဆုံးအလုပ်ဖြစ်နေကြပေမဲ့ လူနေထိုင်မှု သိပ်သည်းပြီးဖြစ်တဲ့
စျေးနှုန်းအလယ်အလတ်တန်းက အိမ်မြေတွေရဲ့ တန်ဖိုးတွေက ပြောင်းလဲကျဆင်းနိုင်ခြေ
နည်းပါးတယ်လို့ အကျိုးဆောင်အများစုက သုံးသပ်ကြပါတယ်။
အိမ်ခြံမြေစျေးကွက်ဟာ အရောင်းအဝယ်အေးနေပေမဲ့ အိမ်မြေကသာ ခိုင်မာတဲ့ရင်းနှီး
မြှုပ်နှံမှုလို့ အများစုက လက်ခံယူဆနေကြပါတယ်။ လူနေထိုင်မှု ကျဲပါးသေးတဲ့ ဧရိယာ
တွေမှာ အရင်အရောင်းအဝယ်သွက်စဉ်က စျေးနှုန်းမျိုးကို အခုလက်ရှိမှာ ခေါ်နေရင်
စိတ်ဝင်စားသူနည်းပါးပေမဲ့ လူနေအထိုင်ကျပြီးဖြစ်တဲ့အိမ်မြေအကွက်အကွင်းတွေ၊
အခြေခံလူနေမှုအဆောက်အအုံတွေနဲ့ ပြည့်စုံပြီးဖြစ်တဲ့ အကွက်အကွင်းတွေကတော့
ခေါ်စျေးမာသလို စျေးကွက်တောင်းဆိုမှု ကောင်းဆဲဖြစ်ပါတယ်။
လူနေထိုင်မှုသိပ်သည်းတဲ့ ဧရိယာတွေမှာ ကျပ်သိန်း ၃,၅ဝဝ ဝန်းကျင်ကနေ ကျပ်သိန်း
၁,၅ဝဝ အတွင်း အိမ်ခြံမြေစျေးနှုန်းတန်းတွေဟာ စျေးကွက်အေးနေပေမဲ့စျေးနှုန်းအပြောင်း
အလဲမများတာကို တွေ့ရပါတယ်။ ဒီစျေးနှုန်းတန်းတွေက အိမ်မြေတွေကို ငွေကြေးလိုအပ်
ချက်ရှိတဲ့သူကလွဲပြီး စျေးနှုန်းသိသိသာသာ ကွာဟရောင်းချတာမျိုးလည်း နည်းပါးတယ်လို့
အကျိုးဆောင်တချို့က ပြောပါတယ်။ စျေးကွက်တောင်းဆိုမှုရှိတဲ့ အိမ်မြေတွေဖြစ်လို့
နေထိုင်ဖို့စိတ်ကူးသူတွေအနေနဲ့ ခြံဝိုင်းပြည့်၊ အကွက်ပြည့် မတတ်နိုင်ရင်တောင်မြေ
တစ်ခြမ်းမှာ အဆောက်အအုံ သပ်သပ်ရပ်ရပ်ဆောက်ပြီးနေဖို့ စဉ်းစားဖြစ်ကြပါတယ်။
စျေးကွက်တောင်းဆိုမှုကောင်းတဲ့ လူနေမှုသိပ်သည်းပြီး စျေးနှုန်းအလယ်အလတ်တန်း
ဖြစ်တဲ့ အကွက်အကွင်းတွေအဖြစ် မြို့သစ်ရပ်ကွက်ကြီးတချို့၊ မဟာမြိုင်ရပ်ကွက်၊
ထန်းကိုးပင်နဲ့ မြရည်နန္ဒာရပ်ကွက်တို့ကို အများဆုံးတွေ့ရပါတယ်။ ငွေကြေးတတ်နိုင်လို့ပဲ
ဖြစ်ဖြစ်၊ ငွေဝိတ်လျှော့ပြီးနေဖို့ ပြန်ဝယ်တာပဲဖြစ်ဖြစ် အများစုဟာအဲဒီဧရိယာတွေကို
ထည့်စဉ်းစားကြလေ့ရှိပါတယ်။ အရောင်းအဝယ်အေးနေချိန်မှာသင့်တင့်တဲ့ အလယ်
အလတ်နှုန်းတန်းမှာအိန္ဒြေရရနေနိုင်ပြီး၊ စျေးကွက်ပြန်သွက်ရင်စျေးပိုမာနိုင်တဲ့ အနေ
အထားမှာရှိနေတာကြောင့် သူတို့ရဲ့ နှုန်းထားတွေကို လတ်တလောမှာ သိသိသာသာ
ပြောင်းလဲကျဆင်းဖို့ မမျှော်လင့်နိုင်ကြောင်း အကျိုးဆောင်အများစုက သုံးသပ်ကြပါတယ်။
Source : Myanmar Time
#realestate #property #lease #buy #sell #apartment #condo #flat #house#villa #residence #office #commercial #residential #realtor #agency #agent#tenant #leasing #yangon #myanmar #estate #estatemyanmar#estatemyanmarnews